Nafarroako Gobernua premiatzen da abian jar dezan haur eta nerabeen erakunde komunitarioak egiaztatzeko prozesua
Osoko bilkurak onetsi du. 2024ko urtarrilaren 18an
1.- Nafarroako Gobernua premiatzen da 2024an abian jar dezan Haur eta nerabeen arreta eta babesari buruzko maiatzaren 11ko 12/2022 Foru Legean jasotako haur eta nerabeen erakunde komunitarioak egiaztatzeko prozesua.
2.- Nafarroako Gobernuari eskatzen zaio sustatu dezan legean jasotako profesionalen prestakuntza haur eta nerabeen babeseko metodologia komunitarioan.
3.- Foru Exekutiboa premiatzen da 2024an sor dezan legean jasotako haurren ongizatea, arreta komunitarioa eta sareko lana sustatzeko batzordea.
4.- Nafarroako Gobernua premiatzen da sustatu dezan legean jasotako arlo komunitarioko babes-mahaien eraketa.
5.- Foru Exekutiboari eskatzen zaio aurrekontuetan partida bat bateratzera, haur eta nerabeen babeseko metodologia komunitarioa garatzera bideratua.
6.- Nafarroako Parlamentuak Nafarroako Gobernua premiatzen du zehaztu dezan Nafarroako Gobernuko zein administrazio-organok izanen duen eskumena haur eta nerabeen babeseko metodologia komunitarioaren garapena sustatu eta laguntzeko, bidenabar eginkizun hori betetzeko behar diren baliabideak emanez.
EH Bildu talde parlamentarioak aurkeztu du.
PSNren, EH Bilduren, Geroa Bairen eta Contigo-Zurekinen aldeko botoekin eta UPNren, PPNren eta Voxen aurkakoekin.