1. Azala
  2. 0-3 zikloaren kudeaketa homogeneizatzeko erabakiak har zitzan Nafarroako Gobernua premiatzen zuen mozioa baztertu da
Noiz argitaratua Osteguna, 2024.eko Maiatzak 2

0-3 zikloaren kudeaketa homogeneizatzeko erabakiak har zitzan Nafarroako Gobernua premiatzen zuen mozioa baztertu da

Bide-orri bat eskatzen zuen EH Bilduk, eskaintzaren dibertsifikazioa dela eta, doako eskaintza unibertsala eta kalitatezkoa ahalbidetuko duen sistema integral eta estandarizatua ezartzeko

Parlamentuaren osoko bilkurak mozio bat baztertu du gaur UPNren, PSNren, PSNren eta Voxen aurkako botoekin eta EH Bilduren, Geroa Bairen eta Contigo-Zurekinen aldekoekin, zeinaren bidez Nafarroako Gobernua premiatzen baitzen “0-3 zikloaren kudeaketa homogeneizatzeko erabakiak har ditzan, orain dagoen dibertsifikazioa eta bateratasun falta gainditzeko asmoz, toki-entitateekin eta hezkuntza-eragileekin batera planifikatuta”.

 

Baztertutako mozioak bigarren atalean Foru Exekutiboari eskatzen zion “plaza berriak sortzerakoan 0-3 zikloaren ikuspegi integrala izan dezala, eta ez dezala zikloa zatika eskaintzeko biderik hartu.

 

Era berean, Gobernua premiatzen zen “ez dezan 2 urteko gela berri solterik sortu, sustatu edo erregularizatu, ez bada 0-3 eskaintza osoaren barruan”.

 

Zioen azalpenean, EH Bilduk bultzatutako mozioak "ibilbide-orri bat adostearen" alde egiten zuen, "eskaintzaren dibertsifikazioa dela eta, sistema integral eta homogeneo bat ezartzeko, gainerako hezkuntza-etapetan bezala, doako eskaintza unibertsala eta kalitatezkoa ahalbidetzeko".

 

Testuinguru horretan, eta haur-eskola gehienen titulartasuna udalarena edo pribatua dela jakinda, zalantzan jartzen zen, “desegokia dela iritzita”, datorren ikasturtean hiru ikastetxe publikotan (Iruñeko bitan eta Arronizko batean) 2 urteko gelak proba gisa irekitzeko erabakia.

 

Proposamena egin duenaren arabera, "hezkuntza-komunitatearen eta eragile politiko eta sindikalen zati handi batek uste du 2 urteko gela horiek ez datozela bat hezkuntza-eskaintza integral batekin"; izan ere, "historikoki asistentziala izan den eta, nahiz eta udalaren eskumena ez izan, toki-entitateak zerbitzu publiko bihurtzen hasi diren zikloaren zatitzea eta ahultzea baitakarte".

 

Orain, lehen zikloa arautu, curriculuma ezarri eta udal-titulartasuneko 0-3 ikastetxeak finantzatzeko oinarriak sinatu ondoren, ziklo hori hezkuntza-sisteman erabat integratzea falta dela adierazten zen, eta, horretarako, homologazio osoa behar dela, bai zentroen tipologiari dagokionez, bai lan-baldintzei dagokienez.