1.- Nafarroako Gobernua premiatzen da Estatuko Gobernuari exiji diezaion Hitzarmen Ekonomikoari buruzko abenduaren 26ko 28/1990 Legean ezarritakoa betetzea, halako moduz non sortzen diren zerga berriak esparru horretan sartuko diren eta Foru Komunitatean kudeatu ahalko diren.

2.- Espainiako Gobernua premiatzen da Hitzarmen ekonomikoan sar ditzan energia-enpresei eta banku- zein kreditu-entitateei ezarriko zaizkien aldi baterako karga berriak, Diputatuen Kongresuan eztabaidatzeko daudenak, Nafarroako Foru Komunitateari aitortze aldera karga berri horiek arautu eta kudeatzeko eskumena.

3.- Nafarroako Gobernua premiatzen da Nafarroako Kontseiluari txosten bat eska diezaion, Nafarroako Foru Araubidearen eskumenen defentsa indartuko duena, ikusirik gaur egun zer idazketa duen energiaren arloko eta kreditu- entitate eta kreditu-entitate finantzarioen arloko aldi baterako kargak jartzeko Legeak, Diputatuen Kongresuan berriki aurkeztu denak.

Geroa Bai talde parlamentarioak aurkeztu du. 

1. puntua aho batez onetsi da. 

2. puntua EH Bilduren, Geroa Bairen eta I-Eren aldeko botoekin, PSNren kontrakoarekin eta Navarra Sumaren eta Podemos-Ahal Duguren abstentzioarekin onetsi da. 

3. puntuaren alde bozkatu dute Navarra Suma, Geroa Bai eta I-Ek, PSNk aurka bozkatu du eta EH Bildu eta Podemos-Ahal Dugu abstenitu egin dira. 

• Mozioaren eztabaida
• Bideotekako irudiak