Nafarroako Gobernua premiatzen da endometriosia duten pertsonen arretarako protokolo bat eta Nafarroako Ospitale Unibertsitarioan horretarako unitate bat sor ditzan
Osasun Batzordean onetsi da. 2022ko maiatzaren 11n
1.- Nafarroako Gobernua premiatzen da laguntzarako antolamendu-eredu bat osa dezan endometriosia izateko susmoa edo diagnosia duten emakumeentzat.
2.- Foru Gobernuari eskatzen zaio diziplina anitzeko endometriosi unitate bat ezartzea Nafarroako Ospitale Unibertsitarioan.
3.- Nafarroako Gobernua premiatzen da Endometriosiaren detekzio goiztiarrerako protokolo bat ezar dezan Nafarroako Oinarrizko Osasun Laguntzan eta Oinarrizko Osasun Laguntzako osasun-langileen prestakuntza hobe dezan.
5.- Nafarroako Parlamentuak Nafarroako Gobernua premiatzen du Nafarroan dauden gaixoen erregistro edo errolda erreal bat osa dezan.
6.- Foru Exekutiboari eskatzen zaio endometriosiaren genetikari eta tratamenduari buruzko ikerketa susta dezan.
7.- Nafarroako Gobernuari eskatzen zaio endometriosia dela-eta lanerako ezintasunak eta minusbaliotasun graduak zehazteko irizpideak alda ditzan.
8.- Nafarroako Parlamentuak Nafarroako Gobernua premiatzen du gaixotasun honi buruzko difusio-kanpainak egin ditzan.
PSN, Geroa Bai, EH Bildu, Podemos-Ahal Dugu eta I-Ek aurkeztu dute.
1, 3, 5 eta 7 puntuak aho batez onetsi dira.
2, 4, 6 eta 8 puntuen alde bozkatu dute PSN, Geroa Bai eta EH Bilduk eta Navarra Sumak abstentzioa.
Podemos-Ahal Dugu eta I-E ez dira bilkuran egon.