Nafarroako Parlamentuko lehendakariak, Unai Hualdek, gaur eguerdian amaitu du Foru Erkidegoko erakunde nagusietako buruekin egindako bilkura erronda, eta gaurkoan Kontuen Ganberaren lehendakariarekin, Asun Olaechearekin, Javier Enériz Arartekoarekin eta Gobernuko Ordezkari den José Luis Arastirekin bildu da.

Goizean zehar burututako topaketetan, Hualdek gaurkotasun politikoari buruz hausnartzeko aukera izan du, eta Nafarroako eragile, elkarte eta erakunde guztien arteko lankidetza eta harremana mantentzearen garrantzia azpimarratu du.

Bisitan Unai Hualdek Kontuen Ganberaren antolaketa eta funtzionamendua eta orain erakundeak jorratzen dituen lanak ezagutzeko aukera izan du. Kontuen Ganberako lehendakaria sarritan eta osoko bilkura garaian Parlamentura joan ohi da idazten diren zenbait txosten azaltzeko.

Gardentasun Kontseilua

Nafarroako Parlamentuko Lehendakaria, Unai Hualde asteazken honetan, hilak 3, Juan Luis Beltranekin bilduko da, 2018ko martxoan Gobernuak aukeratuta zuen Gardentasun Kontseiluko Lehendakariarekin. Topaketa 11:00ean izango da Lehendakaritza aretoan.