Noiz argitaratua Osteguna, 2015.eko Apirilak 23

Nafarroako Parlamentuak Jorge Oteizaren bi eskultura agertzen ditu

Gipuzkoak artistaren ondarea kudeatzen duen Museo Fundazioarekin hitzarmen batera iritsi ondoren, Parlamentuak bi lan aldi baterako eta doan jaso ditu

Nafarroako Parlamentuak eta Jorge Oteiza Fundazio Museoak komodatu-kontratu bat sinatu dute, zeinaren bidez Parlamentuak zizelkari gipuzkoarraren bi lan doan eta aldi baterako jaso dituen parlamentuaren egoitzan agertu ahal izateko.


Gordailuaren epea bi urtekoa izango da eta urtebeteko epean era automatikoan berritu ahal izango da, aldeek aurkako adierazi ezean.


Lagatako Jorge Oteizaren lehenengo eskultura Apostoluaren burua da, brontze patinatuzko itzaltze bat, 1953koa eta 40 x 40 x 37,5 cm neurtzen ditu.


Bigarren eskulturak Odiseo izeneko gudari armatu baten erretratua izena du eta beltzez margotutako altzairuzko txapan egindako lana da, 1975-79koa eta 48 x 54 x 46 cm neurriak dituena.


Jorge de Oteiza Enbil (Orio, 1908-Donostia, 2003) abangoardiaren aldiaren eta gerra ondoko belaunaldiaren arteko artista bat izan zen eta beti, bai ideologiari bai politikari dagokionez, ikonoklasta izan zen.


1992an bere ondarea Nafarroako herriari eman zion. 2003ko udaberrian Oteiza hil ondoren, Jorge Oteiza Fundazioa ireki zen, Alzuza izeneko Nafarroako herrian, Oteizaren etxea eta tailerra izandakoa hartuta.


Nafarroako Alzuza herrian Jorge Oteiza Fundazio Museoak Francisco Javier Saenz de Oizak diseinatu zuen eraikin batean Oteizaren bilduma pertsonala du, bere izena duen fundazioari eman ziona. Fundazioan Nafarroako Gobernuak parte hartzen du eta 1650 eskultura, Oteizaren laborategi esperimentaleko 2000 pieza eta liburutegi pertsonala jasotzen ditu, bai eta marrazki collage eta ugari ere.