Nafarroako Gobernua premiatzen duen ebazpena legeek haurrengan daukaten inpaktuaren ebaluazio-sistema errazteko gida bat ezar dezan
Herritarrekiko eta Erakundeekiko Harremanetarako Batzordean onetsia. 2019ko otsailaren 13an
1.- Nafarroako Gobernua premiatzen da gida bat ezar dezan arauek eta legeek haurrengan daukaten inpaktuaren ebaluazio-sistema errazteko, nahi gabeko eragin negatiboak prebenitzeko eta positiboak bultzatzeko.
2.- Foru Gobernuari eskatzen zaio aldian aldiko behaketa-saioak egiteko sistema bat ezar dezan, bai eta araudiak haurren eskubideetan nahiz ongizatean daukan inpaktuaren ebaluazio-analisi bat ere.
3.- Gobernua premiatzen da gizartearen sektore zabalen, familien eta haurren partaidetza lor dezan. Berma dezan neska-mutikoak kontuan hartuak izatea politikak eta arauak prestatzeko eta taxutzeko prozesuan.
4.- Gobernuari eskatzen zaio txosten bat egin dezan Nafarroako Foru Komunitateko arau eta legeek haurrengan daukaten inpaktuari buruz.
UPN talde parlamentarioak aurkeztua.
Aho batez onetsia.