Noiz argitaratua Osteguna, 2018.eko Urriak 25

Nafarroako Gobernua premiatzen duen ebazpena farmazia zerbitzua ematen duten entitate pribatuetan kontrol-sistema efiziente bat ezar dezan

Osoko Bilkuran onetsia. 2018ko urriaren 25ean

1.- Nafarroako Gobernua premiatzen da entitate pribatuek baliabide publikoei emandako erabileraren gaineko kontrol-sistema efiziente bat ezar dezan, zentro soziosanitarioetan farmazia-zerbitzua emateari dagokionez, Nafarroako osasun publikora bideraturiko funtsen erabilera arrazional eta gardena bermatze aldera.

 

2.- Foru Gobernuari eskatzen zaio kontrola dezan zentro soziosanitarioek, farmazia zerbitzuaren bidez, zer baldintzatan ematen dieten farmazia laguntza Osasunbidea-Nafarroako Osasun Zerbitzuaren kargurako farmazia prestazioaren eskubidea duten egoiliarrei, eta, halaber, zer baldintzatan eginen den osasun laguntzaren prestazioan sartzen diren osasun produktuen hornidura.

 

3.- Nafarroako Gobernua premiatzen da baliabide publikoei emandako erabileraren gaineko kontrol-sistema efizientea entitate publiko guztietara zabal dezan.

 

Podemos-Ahal Dugu-Orain Bai taldeak aurkeztua.

 

Aho batez onetsia.