Noiz argitaratua Astelehena, 2020.eko Martxoa 16

2020ko martxoaren 16ko bilkura

MAHAIAK ETA ELEDUNEN BATZARRAK GAUR –ASTELEHENA, MARTXOAK 16– EGINIKO BILKURAN HARTUTAKO ERABAKIAK

 

Nafarroako Parlamentuko Mahaiak eta Eledunen Batzarrak bilkura egin dute gaur –astelehena, martxoak 16–, 10:00etan, eta honako erabaki hauek hartu dituzte:

 

COVID-19 KORONABIRUSAREN AURKAKO KONTINGENTZIA-PLANAREN BAITAN HARTUTAKO NEURRIAK

- Mahaiak eta Eledunen Batzarrak jasotzat eman dituzte Covid-19 koronabirusaren aurkako kontingentzia-planaren baitan hartutako neurri osagarriak. Plana hilaren 12an onetsi zen.

- Mahaiak berretsi egin ditu Unai Hualde lehendakariak aurkeztutako ezohiko neurri osagarriak, behin entzunda kontingentzia planaren baitan eratutako koordinazio-taldea, zeina gaurko 9:00etan bildu baita. Hona neurriak:

- Telelana ezartzeko plana.

- Parlamentuko langileek zerbitzua telelanaren bidez emateko arauak.

- Telelana egiteko ekipo informatikoak banatzea.

- Jarduera etenik dagoen bitartean Mahaiaren eta Eledunen Batzarraren bilkurak egiteari buruzko erabakiak.

 

OSOKO BILKURARAKO ETA BATZORDEETARAKO DEIALDIAK:

- Mahaiak eta Eledunen Batzarrak jasotzat eman dute Nafarroako Parlamentuko lehendakariaren 23/2020 Ebazpena, martxoaren 12koa, zeinaren bidez bertan behera utzi baititu 2020ko martxoaren 13tik 18ra bitarteko batzordeen bilkurak.

- Mahaiak erabaki du bertan behera uztea martxoaren 23tik aitzina aurreikusitako deialdi guztiak.