Parlamentuko Osoko Bilkurak ebazpen bat aho batez onetsi du gaur zeinaren bidez Parlamentuak uste duen “gure erkidegoan nekazaritza eta abeltzaintza ekologikoko produkzioa garatzea etorkizunerako apustu estrategiko bat dela gure lehen sektorearentzat eta gure gizarte osoarentzat”.

Onetsitako ebazpenak bigarren puntu bat du non, halaber, Nafarroako Gobernua premiatzen den “bere esku dauden neurri guztiak har ditzan, laguntze aldera produkzio ekologikoaren sektorearen garapenera bideratutako ekimenak, bai eta produktu horien sustapenera, merkaturatzera eta kontsumora bideratutakoak ere”.

Zioen azalpenean, Aralar-Nabaik bultzatutako jatorriko ebazpenean aipatzen da ezen produktu ekologikoen produkzioa eta merkaturatzea “abagune ekonomiko handia” bilakatu direla gure abeltzain, nekazari eta merkatarientzat.

Horren karietara, baieztatzen denez “balio erantsia funtsezkoa da produktu horiei toki bat bilatzea merkataritza-zirkuituen barruan”. Hori guztia, lehen sektorea gure lurraldeko eskualde askotan “nortasun seinale eta jarduera ekonomiko nagusia” izaten jarraitzeko.

· www.parlamentodenavarra.es
· Mozioaren argitalpena (NPAO, 97. zk., 2012-11-19koa)