Nafarroako Parlamentuko lehendakariak, Ainhoa Aznárez Igarzak, ganberako Iraunkortasun Diagnosia aurkeztu du gaur; dokumentuak gizarte erantzukizunaren ezarpen maila aztertu eta ebaluatzen du sektore publikoa zuzen aztertzeko funtsezko hiru alderditan: gardentasuna eta gobernu ona, barne kultura arduratsua eta kudeaketa publiko iraunkorra.

 

Legegintzaldian aurreikusitakoaz gain, ganberaren jarduna gizartean eta inguruan eragin positiboa sustatzeko neurriekin bat etortzeko Parlamentuak hartutako estrategia multzoari gizarte erantzukizuna deitzen zaio. Kasu honetan, eta gizarte erantzukizuna erakundearen berezko izaeraren parte denez, helburua lan egiteko modu irekiago, gardenago, arduratsuago eta iraunkorragorantz aurrera egitea da.

 

Horrela, gizarteak iraunkortasunarekin eta gizarte erantzukizunarekin daukan konpromisoa legebiltzarraren barne kudeaketara eramateko asmoz, eraginkortasuna hobetzeko, eta, horrenbestez, herritarren aurrean parlamentuaren konfiantza eta sinesgarritasuna areagotzeko kudeaketa irizpideak aplikatzea aurreikusi da, baita parte hartze eta komunikazioaren ikuspuntutik ere.

 

Gardentasunari dagokionez, diagnosiarekin batera aurkeztutako jarduketa planean aitortu da legebiltzarra aurreko legegintzaldian onartutako Gardentasunari eta Gobernu Irekiari buruzkoa Legearen aurretik doala; gainera, iritzi publikoaren barometro gisa Navarrometro azterketaren balioa nabarmendu du, are gehiago horren ardura 2016. urtean UPNAko Soziologia Sailak hartu zuenetik.

 

Barne kultura arduratsuari dagokionez, eta balorazio orokorra “oso ona” izanik, langileek prestakuntza, ordutegiak edo lanaren antolaketa bezalako gaietan parte hartzeko sistema baten falta sumatzen da.

 

Kudeaketa publiko iraunkorraren kasuan, enpresak edo profesionalak kontratatzerakoan gizarte erantzukizuneko irizpiderik ez izatea azpimarratu da; hala ere, Kontratu Publikoen Legeak ezarritako mugaz ohartarazi du.

 

Bidenabar, ingurumen politika zehatzik ez dagoela ere antzeman da. Hala ere, planik ezean, ur eta energia kontsumoa murriztu eta hondakin gutxiago sortzeko ekintzak daude.

 

Parlamentuko lehendakari Ainhoa Aznárez Igarzak nabarmendu du Nafarroako Parlamentua “gizarte erantzukizunaren aldeko barne apustua egin duen foru komunitateko lehen erakunde publikoa dela, eta maila horretan hobetzeko esparruak argi finkatu dituen estatuko lehen erakundeetakoa dela. Zerbitzu publikoa etengabe hobetzea helburutzat izanik, apustu hau mugarri bat izan daiteke kudeaketa publikoan, bere egunean Berdintasun Planarekin gertatu bezala.

 

Lehendakariak nabarmendu duenez, administrazio publikoen ardura da gizarte arloan arduratsuak diren jokamoldeak sustatzea, eta, horren haritik, esan duenez, “Parlamentuak, estrategia definiturik ez daukan arren, gardentasunarekin, eredugarri izatearekin eta erantzukizunarekin bat datozen ekintzak garatu ditu. Hala ere, gure ustez, gobernu onari lotutako lan handi hori jardun plan batekin modu zehatzago batean sistematizatu ahal izanen dugu. Beharrezko proiektu oro landuko dugu gure idiosinkrasiara egokitutako dinamismotik erakunde eredugarria izatera iristeko.”

 

Testuinguru horretan, Ainhoa Aznárezek “erakunde pribatu batek egindako ebaluazioaren ondorioz erkidegoetako parlamentuetan sortutako kezka” aipatu du, “egokitu gabeko parametroak erabili zirelako”. Gardentasunaren eta Gobernu Onaren Kontseiluarekin lortutako akordioa gogorarazi du; izan ere, aurrerantzean erakunde hori arduratuko da Nafarroako Parlamentuaren jarduna ebaluatzeaz, berariazko metodologia bat erabiliz.

 

Javier Espinosa Ochoak, Iraunkortasun Diagnosia egiteaz arduratu den aholkulari homologatuak, enpresa munduko kontzeptu bat administrazio publikoen esparrura eraman eta pixkanaka errotu izana nabarmendu du, eta Nafarroako Parlamentua gizarte erantzukizunaren adibide eredugarri gisa aipatu du, erakundeak gizartean duen eragina neurtu eta hobetzeko interesa agertu duelako.

 

Espinosaren esanetan, diagnosiak dagoeneko garatzen ari diren jardunbide egokien balioa agertu du, eta hobetzeko bederatzi esparru identifikatu ditu; esparru horietan, besteak beste, “legebiltzarraren inguruan elkartzen diren interes talde guztiei erantzun aktibo eta gardena eskaintzeko gai izanen den komunikazio estrategia” aplikatzea proposatu du.

 

Bidenabar, “legebiltzarrak dagoeneko dituen tresnetatik abiatuta (batez ere, webgunea) herritarren parte hartzea benetan sustatzearen” alde lan egiteari ekitea iradoki du. Kode etiko bat prestatzea ere aipatu du, parlamentuko langileek baina, batez ere, kargu publikodun arduradunek herritarren aurrean konpromisoa har dezaten. Kantabriako Parlamentuan, esaterako, dagoeneko badaukate.”

 

Bukatzeko, Espinosak aurreratu du Nafarroako Gobernua Nafarroako Parlamenturako berariazko zigilua diseinatzen ari dela, enpresen kasuan InnovaRSE zigiluak egiten duen moduan, erakundearen eguneroko lanetan gizarte erantzukizuna txertatu izana ziurtatzeko.

 

Nafarroako Parlamentuko Iraunkortasun Diagnosia, Espinosak zehaztu bezala, Nafarroako Gobernuak homologatutako sistema batekin (InnovaRSE) prestatu da, gizarte erantzukizunaren kudeaketa berariaz neurtzeko sortutakoa.

Nafarroako Parlamentuak Iraunkortasun Diagnosia aurkeztu du

Legebiltzarrak herritarren aurrean duen sinesgarritasuna eta konfiantza areagotzeko eta eraginkortasuna hobetze aldera kudeaketa irizpideak aplikatzeko plan aitzindaria da

Nafarroako Parlamentuko lehendakariak, Ainhoa Aznárez Igarzak, ganberako Iraunkortasun Diagnosia aurkeztu du gaur; dokumentuak gizarte erantzukizunaren ezarpen maila aztertu eta ebaluatzen du sektore publikoa zuzen aztertzeko funtsezko hiru alderditan: gardentasuna eta gobernu ona, barne kultura arduratsua eta kudeaketa publiko iraunkorra.

 

Legegintzaldian aurreikusitakoaz gain, ganberaren jarduna gizartean eta inguruan eragin positiboa sustatzeko neurriekin bat etortzeko Parlamentuak hartutako estrategia multzoari gizarte erantzukizuna deitzen zaio. Kasu honetan, eta gizarte erantzukizuna erakundearen berezko izaeraren parte denez, helburua lan egiteko modu irekiago, gardenago, arduratsuago eta iraunkorragorantz aurrera egitea da.

 

Horrela, gizarteak iraunkortasunarekin eta gizarte erantzukizunarekin daukan konpromisoa legebiltzarraren barne kudeaketara eramateko asmoz, eraginkortasuna hobetzeko, eta, horrenbestez, herritarren aurrean parlamentuaren konfiantza eta sinesgarritasuna areagotzeko kudeaketa irizpideak aplikatzea aurreikusi da, baita parte hartze eta komunikazioaren ikuspuntutik ere.

 

Gardentasunari dagokionez, diagnosiarekin batera aurkeztutako jarduketa planean aitortu da legebiltzarra aurreko legegintzaldian onartutako Gardentasunari eta Gobernu Irekiari buruzkoa Legearen aurretik doala; gainera, iritzi publikoaren barometro gisa Navarrometro azterketaren balioa nabarmendu du, are gehiago horren ardura 2016. urtean UPNAko Soziologia Sailak hartu zuenetik.

 

Barne kultura arduratsuari dagokionez, eta balorazio orokorra “oso ona” izanik, langileek prestakuntza, ordutegiak edo lanaren antolaketa bezalako gaietan parte hartzeko sistema baten falta sumatzen da.

 

Kudeaketa publiko iraunkorraren kasuan, enpresak edo profesionalak kontratatzerakoan gizarte erantzukizuneko irizpiderik ez izatea azpimarratu da; hala ere, Kontratu Publikoen Legeak ezarritako mugaz ohartarazi du.

 

Bidenabar, ingurumen politika zehatzik ez dagoela ere antzeman da. Hala ere, planik ezean, ur eta energia kontsumoa murriztu eta hondakin gutxiago sortzeko ekintzak daude.

 

Parlamentuko lehendakari Ainhoa Aznárez Igarzak nabarmendu du Nafarroako Parlamentua “gizarte erantzukizunaren aldeko barne apustua egin duen foru komunitateko lehen erakunde publikoa dela, eta maila horretan hobetzeko esparruak argi finkatu dituen estatuko lehen erakundeetakoa dela. Zerbitzu publikoa etengabe hobetzea helburutzat izanik, apustu hau mugarri bat izan daiteke kudeaketa publikoan, bere egunean Berdintasun Planarekin gertatu bezala.

 

Lehendakariak nabarmendu duenez, administrazio publikoen ardura da gizarte arloan arduratsuak diren jokamoldeak sustatzea, eta, horren haritik, esan duenez, “Parlamentuak, estrategia definiturik ez daukan arren, gardentasunarekin, eredugarri izatearekin eta erantzukizunarekin bat datozen ekintzak garatu ditu. Hala ere, gure ustez, gobernu onari lotutako lan handi hori jardun plan batekin modu zehatzago batean sistematizatu ahal izanen dugu. Beharrezko proiektu oro landuko dugu gure idiosinkrasiara egokitutako dinamismotik erakunde eredugarria izatera iristeko.”

 

Testuinguru horretan, Ainhoa Aznárezek “erakunde pribatu batek egindako ebaluazioaren ondorioz erkidegoetako parlamentuetan sortutako kezka” aipatu du, “egokitu gabeko parametroak erabili zirelako”. Gardentasunaren eta Gobernu Onaren Kontseiluarekin lortutako akordioa gogorarazi du; izan ere, aurrerantzean erakunde hori arduratuko da Nafarroako Parlamentuaren jarduna ebaluatzeaz, berariazko metodologia bat erabiliz.

 

Javier Espinosa Ochoak, Iraunkortasun Diagnosia egiteaz arduratu den aholkulari homologatuak, enpresa munduko kontzeptu bat administrazio publikoen esparrura eraman eta pixkanaka errotu izana nabarmendu du, eta Nafarroako Parlamentua gizarte erantzukizunaren adibide eredugarri gisa aipatu du, erakundeak gizartean duen eragina neurtu eta hobetzeko interesa agertu duelako.

 

Espinosaren esanetan, diagnosiak dagoeneko garatzen ari diren jardunbide egokien balioa agertu du, eta hobetzeko bederatzi esparru identifikatu ditu; esparru horietan, besteak beste, “legebiltzarraren inguruan elkartzen diren interes talde guztiei erantzun aktibo eta gardena eskaintzeko gai izanen den komunikazio estrategia” aplikatzea proposatu du.

 

Bidenabar, “legebiltzarrak dagoeneko dituen tresnetatik abiatuta (batez ere, webgunea) herritarren parte hartzea benetan sustatzearen” alde lan egiteari ekitea iradoki du. Kode etiko bat prestatzea ere aipatu du, parlamentuko langileek baina, batez ere, kargu publikodun arduradunek herritarren aurrean konpromisoa har dezaten. Kantabriako Parlamentuan, esaterako, dagoeneko badaukate.”

 

Bukatzeko, Espinosak aurreratu du Nafarroako Gobernua Nafarroako Parlamenturako berariazko zigilua diseinatzen ari dela, enpresen kasuan InnovaRSE zigiluak egiten duen moduan, erakundearen eguneroko lanetan gizarte erantzukizuna txertatu izana ziurtatzeko.

 

Nafarroako Parlamentuko Iraunkortasun Diagnosia, Espinosak zehaztu bezala, Nafarroako Gobernuak homologatutako sistema batekin (InnovaRSE) prestatu da, gizarte erantzukizunaren kudeaketa berariaz neurtzeko sortutakoa.