Hezkuntza Departamentuak ebazpen bat onetsi du gaur UPN eta PSNren aldeko botoekin, Podemos-Ahal Dugu eta I-Eren abstenzioekin eta Geroa Bai eta EH Bilduren aurkako botoekin, zeinaren bidez Nafarroako Gobernua premiatzen baita “berariazko jarduketa plan bat egin dezan Nafarroako hezkuntza-sistemako eskola-porrotari aurre egiteko eta derrigorrezko irakaskuntzetako ikasleen igarotze-tasak areagotzeko”.

Planak “jaso egin beharko ditu zer neurri zehatz garatuko diren eta zer aurrekontu-premia egonen den den plana 2018-2019 ikasturtean garatzeko”.

Zioen azalpenean, UPN talde parlamentarioak sustatutako ebazpenak Nafarroako Eskola Kontseilua-Hezkuntza Batzorde Nagusiak 2016-2017 ikasturteari buruz egindako txostena aipatzen du, “esaten baitu Derrigorrezko Bigarren Hezkuntzan handiegia dela eskola-porrota (%19)”, eta nahiz eta Estatu mailako portzentajea baino hobea izan, “emaitza hoberenak dituzten Europako herrialdeengandik oso urrun gaude, eta horiek behar dute izan gure erreferente”.

Hala, Lehen Hezkuntza (%97) eta Batxilergoko (%89,87) kopuruak aipatu ostean, eta” ikastetxe publiko eta itunpekoen arteko desberdintasunak azaleratu ostean, baita DBH-n gizonezko eta emakumezkoen artean dauden desberdintasunak aipatu ondoren”, sustatzaileak Departamentuari “anbizio handiagoa izan dezan” eskatzen dio igarotze-tasak handitzeko eta eskola-porrotarenak jaisteko; bereziki, hezkuntzaren derrigorrezko etapetan.

Nuria Medina (PSN) buru izan duen saiora bertaratu diren parlamentarioak hurrengoak izan dira: Alberto Catalán, Luis Zarraluqui, Ana San Martín, Iñaki Iriarte (UPN), Isabel Aranburu, Consuelo Satrustegi, Rafa Eraso (Geroa Bai), Miren Aranoa, Esther Korres (EH Bildu), Tere Sáez, Carlos Couso (Podemos-Ahal Dugu), Carlos Gimeno (PSN) eta Marisa de Simón (Izquierda-Ezkerra).

• www.parlamentodenavarra.es

• Mozioa (53. NPAO, 2018-04-27koa)