Nafarroako Parlamentuko lehendakari Ainhoa Aznárez Igarzak ongietorria eskaini die gaur euskaltzainei, beren osoko bilkura Nafarroako Parlamentuaren egoitzan bigarren aldiz egitera etorri diren egun honetan.

Euskaltzaindiaren ordezkariei Batzordeen aretoan egin die harrera Parlamentuko Lehendakariak, non 10:00etatik aurrera eginen baita haien hileroko bilkura. Euskara ikertu, garatu eta zaintzearen eginkizunari egiten dioten ekarpenaren balioa goraipatu ondoren, dei egin die Euskara ibiltaria erakusketaren inauguraziora, zeina Atalondoan izanen baita, 18:00etan.